Tindufeko errefuxiatu sahararren kanpamentura egindako ikasbidaia baten ondoren sortu zen Darahli Elkartea Zumaian, eta ordutik Sahararrei laguntzeko lanean ari da. 2015eko Aste Santuan zumaiarrek egin duten azken bidaian, errefuxiatu kanpamentuetako bizimodua eta Mendebaldeko Sahararen historia jasotzeko dokumental bat egin dute.

Abenduaren 11n, gaueko 10etan hasita Izalgo Gazte Mugimenduak antolatuta, Saharaz Blai dokumentala ikusteko aukera izango da Guraso Elkarteko aretoan. Darahliko kideek dokumentalaren aurkezpena egingo dute eta proiekzioaren ondoren tertulia egingo da.

Gazte Mugimenduak Sahararen inguruko interesa duten herritar guztiak gonbidatu nahi ditu emanaldira.

Azarok 8n, iganden, arratsaldeko 17:30tan 'Arrakala. Zirrikitu bat haitzean' dokumentala jarriko deu guraso elkarten. Dokumentala ikusi ta gero eztabaidatxo bat eingo deu, dokumentalak eragin dizkigun sentsaziok komentatzeko, ta txokolate beroa ta bizkotxoare eongo die pixkat goxatzeko.

Mihiluze eredutzat hartuta, Izalgo Gaztek lehiaketa bat antolatu dugu eta bertan Idiazabal izango da gaia. Sortu dugun bideoa ikusi nahi?: https://youtu.be/-UuLf1uC5JM

Lehiaketak lau froga izango ditu: galderak, mimika, marraztea eta bikoteak, Izalekin lotutakoak.

Lehenengo saioa Maiatzaren 8an izango da eta hurrengo saioak maiatzeko eta ekaineko ostiral gauetan izango dira.

Izen-ematea zabalik dago: bikoteka eman behar da izena, herriko tabernetako postontzietan.